حوار بين حفيده وجدتها عام 2052

شفت الموضوع ده حبيت اجيبه علشان تستمتعوا بيه
وهو حوار بين بنت وجدتها

المكان أحد أحياء القاهرة

>الزمان يوم من أيام صيف عام 2052

>حفيدة في سن المراهقة (12 سنوات) تجلس مع جدتها (70 سنة) ويدور بينهما هذا الحوار:

>

>الحفيدة: تيته ميرو إزيك..بقى لي زمان ما قعدتش معاكي

>الجدة: وهو أنا عارفة أتلم عليكي خالص.. ده أنا قاعدة زهقانة قوي ومش لاقية حاجة

>تسليني

>الحفيدة: ومابتفتحيش الدش ليه يا تيته

>الجدة: التليفزيون بقى ممل خالص مافيهوش غير 9700 محطة بس!.وأنا كمان ما بعرفش أغير المحطات!

>الحفيدة: وإيه الحلاوة دي؟ حلو البادي اللي انتي لابساه ده..بس ده موضة قديمة قوي

>ياتيته !

>الجدة : يا بنتي أنا ست دقة قديمة وبالبس زي ما جيلنا الصاعد اتعود وحسب التقاليد

>القديمة بتاعتنا

>الحفيدة : أيوه بس مش حاسة إنك مخنوقة وانتي لابساه؟

>الجدة: أبداً ده هو ده اللبس المحتشم اللي مفروض الكل يلبسه ويحافظ عليه..فين أيام

>زمان لما كنا نلبس البادي اللي مبين البطن والظهر بس، مع البنطلون السترتش

>الجلد …كانت حاجة آخر روشنة

>الحفيدة : ياه يا تيته.. ده انتوا كان ليكم تقاليد غريبة خالص !

>الجدة : وهو انتي فاكرة إن أيامكم دي أيام؟ يا بنتي أيامكم دي ما يعلم بيها إلا ربنا

>.. فين أيام سنة 2002، هي الواحدة فينا كانت تستجري تشرب سيجارة البانجو ولا تسحب لها سطر بودرة

>قدام أبوها؟ طب ده الدنيا كانت تتقلب ساعتها وما تتعدلش .. أمال إيه .. كان

>فيه حاجة اسمها أخلاق

>الحفيدة: معقول يا تيته؟ للدرجة الفظيعة دي!!؟

>الجدة: أمال انتي فاكرة إيه .. وبعدين كانت الست من دول ما تلبسش اللبس الخليع بتاع

>اليومين دول..يعني الجيبة كان ما يقلش طولها عن شبر وربع .. وكانوا الستات

>يلبسوا فوقيها بلوزة باستمرار ..مش زي دلوقتي! حسبي الله ونعم الوكيل!

>الحفيدة : يا خبر .. وإيه كمان ياتيته

>الجدة: ح أقول لك إيه ولا إيه يعني خدي عندك مثلاً .. زمان كنا نسمع الطرب الأصيل

>لمطربين حقيقيين زي مصطفى قمر وعمرو دياب وطبعاً كانت سيدة الغناء "شاكيرا"،

>وكانت الأغنية مدتها أكثر من دقيقتين متواصلين من الطرب الأصيل والموسيقى

>الهادية الراسية اللي تعمر النافوخ بصحيح كانوا مطربين روشين وآخر طحن، حسبي

>الله ونعم الوكيل!

>الحفيدة : وبعدين ياتيته

>الجدة : وبعدين كنا نسمع على حاجة اسمها اسطوانات ليزر، ودي صحيح انقرضت، بس كان ليها

>طعم عن دلوقتي، يا سلام لما كنا نحطها في الووكمان ونعلقها في حزام البنطلون

>كده ونمشي في الشارع كده، كانت أيام جميلة. حسبي الله ونعم الوكيل!

>الحفيدة : حكاويكى ممتعة قوي يا تيته .. ثانية واحدة بس لما أصحي سمسم صاحبي فى

>المدرسة لأنه بايت معايا في الأودة من امبارح ..أصل الإنسان الآلي بتاع

>الصحيان بايظ ولازم نصلحه النهاردة

>الجدة: طيب ياحبيبتي روحي

>(بعد عدة دقائق)

>الحفيدة: هيه يا تيته.. وبعدين

>الجدة : أحلى أيام بقى كانت أيام الدراسة، الفصل كان على أيامنا رايق وعدد التلاميذ

>فيه ما يزيدش عن ستين سبعين تلميذة، وكنا ساعتها بنعرف نفهم الدرس كويس مش زي

>دلوقتي، وكانت الشوارع أيامها فاضية يعني كانت إشارة المرور تقعد ساعة إلا

>ربع بس لأن مصر كلها كان تعدادها 70 مليون مش أكثر، تخيلي بقى الروقان اللي كنا فيه؟ حسبي الله ونعم الوكيل!

>الحفيدة : 70 مليون بس؟!!

>الجدة : أمال إيه .. عشان كده كانت كل حاجة رخيصة ، يعني مثلاً كيلو اللحمة يوم ما

>يضربه الدم كان يبقى بخمسة وعشرين جنيه أو بتلاتين جنيه، وكان أتخن جوز جزمة

>بـ 250 جنيه، وكان الواحد يقدر يشتري شقة تمليك بـ 150 ألف جنيه بس..وكان الدولار بخمسة جنيه بس تخيلي بقى؟

>الحفيدة : ما هو علشان كده الجواز على أيامكم كان سهل خالص، إحنا بقى خلصنا من

>العُقد دي

>الجدة : أُمال إيه .. ده احنا الواحدة مننا كانت بمجرد ما توصل سن 17 سنة تبتدي تفكر في الجواز العرفى على طول، وما كانش عندنا الأفكار الغريبة

>اللي بتعملوها دلوقتي، أنا شخصياً شايفة إن ده أوفر شوية، ده احنا يا بنتي

>على أيامنا كان لا يمكن البنت تتأخر بره البيت عن الساعة أربعة صباحاً، طب ده

>باباها كان ممكن ساعتها يخاصمها !

>الحفيدة : ياي! ده انتوا كنتوا متزمتين خالص ياتيته !!!

>الجدة : يا بنتي إحنا اتربينا على الأخلاق والفضيلة والعادات والتقاليد . يعنى كان

>أهل الفن محتشمين جداً وكانوا دايماً يطلعوا بالمايوهات البيكيني، والمذيعات

>كانوا يقعدوا جنب الضيف مش على ركبته زي دلوقتي.. هيـ يـ يـ يـ ـه الله يرحم

>دي أيام.. فكرتيني بالذي مضى حبي الله ونعم الوكيل!

>(تمسك الجدة بتليفون محمول في حجم علبة الكبريت)

>الحفيدة : ح تكلمي مين يا تيته

>الجدة : الحقيقة أنا كنت موصية الجزار على اتنين كيلو لحمة و اديته 600 دولار عربون وعايزة أطلبه أشوف إذا كانت اللحمة وصلت ولا لأ ..

>الحفيدة: (تنهض من مكانها) تشاو سي يو تيته!

>الجدة: سي يو

>وبعد مرور عدة ساعات انتابت الجدة خلالها غيبوبة بسبب الشيخوخة

>و في المساء دار هذا الحوار بين الجدة والحفيدة:

>الجدة: إنتي كنتي فين يا فتفت؟

>الحفيدة :أصل إحنا أخدنا الولد من الحضانة ..

>الجدة : ولد !! ولد إيه اللي أخدتوه من الحضانة؟

>الحفيدة : آه صحيح أنا نسيت أقول لك .. أصل أنا جبت ولد من سمسم صاحبي

>الجدة: يا بنتي مستعجلين على إيه مش لما تتجوزوا ؟ حسبي الله ونعم الوكيل!

>الحفيدة : يا سلام عليكي يا تيته.. إنتي عليك تحكيمات غريبة..طيب إيه اللي يمنع نخلف من غير جواز أنا شخصياً

>عملتها ونفعت

>الجدة : مشكلتي إني ما باعرفش أزعل منك يا فتفت يا عكروتة ..وسميتوا المحروس إيه بقى

>الحفيدة : سميناه (دوت كوم) ..

>الجدة : نعم ............ دوت كوم؟ نظام هاي تك بقى؟ يعني لما تعوزي تنادي له تدوسي

>(إنتر) ولا إيه بالضبط ؟

>الحفيدة : ها ها ها ها .. إيه الخفة دي يا تيته .. والله فكرة .. لما أعوز أنده له

>أدوس إنتر .. ولما أحب أقول له روح أودتك أدوس (ألت و إف4)

>الجدة: وأخدتوه من الحضانة وديتوه فين بقى؟

>الحفيدة : وديناه النادي الصهيوني بتاع الحي

>الجدة : النادي الصهيوني بتاع الحي؟

>الحفيدة : أيوه .. ده نادي جميل معمول برعاية كبار رجال الأعمال .. وتحت رعاية وزارة

>الزراعة وده بيعلم الأطفال حاجات ظريفة خالص ومصاريفه رخيصة جداً وبعدين

>الولد الكويس ممكن يبعتوه يكمل تعليمه في إسرائيل على نفقة وزارة الزراعة أصل

>(ميدو يوسف والي) وزير الزراعة ده راجل متفتح قوي. هه، أفتح لك التليفزيون

>يا تيته عشان تشوفي نشرة الأخبار

>الحفيدة تضغط الريموت كنترول لنرى شاشة كبيرة بطول وعرض حائط الغرفة، وتظهر

>صوت مذيعة مصحوبا بلقطات للأنباء تقول:

>المذيعة : هاي شلة! إليكم عناوين الأخبار

>- أمريكا ترصد 25 مليار دولار لرأس تامر بن محمد بن اسامة بن لاد

ده ايه الاحتشام والاحترام ده
يعني زمنا محترم عن زمانهم
والله حكم اخر زمن
ههههههه
ربنا يستر في دي ايام
انسان الي بتاع الصحيان ده احسن حاجة اصل المنبه مش نافع الايام دي
والله موتيني من الضحك يا هايبرا

شكرااااااا ع الموضوع

هههههههه
شكرا لك علي ردك صديقتي
وانا برده مت من الضحك

عفوا هايبرا
ومشكورة على الضحك الغالي
والموضوع اكيد

في تقدم دائم باذن الله

انشاء الله
انا كل اما اقراء الموضوع
استغرب وانا متاكده ان في الوفت ده هتكون الحاجات اغلي من كده بكتير يعني
كيلو اللحمه مش هيقل عن 1500 دولار مش ب 600 بس
بكره نشوف

اه لما يبقى عندي 69 سنة هفتكر كلامك
وانا ساعتها هقول فينك ياهايبرا
ياترى وقتها هنكون لسه بنقعد على منتدى كونان يا هايبرا

ههههههه
قولي ساعنها هايكون فيه حاجه اسمها منديات
ده يكون كونان انقرض
ويمكن مايكونش انترنت يمكن نتكلم عادي الشاشه بتوصل لاي مكان يعني

اه انتي قصدك تنقرض الشبكة وتبقى مجرد شريحة كدة في الجهاز
والله ممكن يا سلام لو فيه العاب افتراضية زي انمي كيتنوا وجراديون او اقرب مثل
ابطال الديجتال ونروح العالم الافتراضي يا سلام تبقى حاجة روعة

اه
ليه بس كده بتشوقيني
يايلام ونبقي كده عندنا قوه خارقه
ندمر بيها العالم
ياسلام هي دي الاخلاق الحميده

ههههههه
احنا اللي ندمر طب خلينا الابطال بس معاكي حق هنبقى عواجيز
انا من رايي نساعد الجيل الجديد
بدل ما ندمرة احسن يبقى عندنا امل فيهم ربنا يستر ويكونوا عند ثقتنا باذن الله

انشاء الله الواحد فيهم لما مثلا بييجي يخبط خبطه واحده
روحه تطلع ويقول انا تعبت

ههههههههه
احنا فين والكلام ده فين
خلينا نخلص الثانوي بس من غير ما ننتحر من التعب
ويبقى يحلها حلال

ولا انتي ايه رايك ؟؟

اه والله معاكي حق كفايه علينا الثانوي احنا هالسنه
يدوب دخلنا المغاره ويارب نطله منها سلام مايكونش فيه حاجه
طارت من دماغنا

هههههههههه
ربنا يستر

شفتي عندنا اجلوها اسبوع ..
ربنا يستر من هالمرض ويقينا اجمعين منه باذن الله

شفتي بردة في المستقبل راح تزيد الامراض العالمية بقت امراض كتير اوي
ويمكن راح تزيد المعرفة او تقل الله اعلم اساسا باين الدراسة والكتب ذات نفسها هتنقرض

ههههههههههه
يظهر ان ده اللي هيحصل الدراسه اتاجلت اسبوع بس دنا سمعت
انها اتاجلت شهرين

ده تقريبا في عمان وكمان بلد
والله ما اعرف فيه كلام كتيير
فترتين او شهرين واحتمال الدراسة من خلال التلفزيون والنت

مو راسيين على حال
بس انا نفسي اروح المدرسة ومش نفسي
ايه رايك متناقضة الفكر انا

لا بصي انا عايزه اروح المدرسه
علشان اصحابي والمدرسين وكده يعني وبكره المدرسه علشان بااقوم
من النوم زي الفراخ الساعه 6 بس عايزه اجرب التعليم من خلال النت والتليفزيون راح يكون شو

ههههههههه
ما بتشوفي البرامج التعليمية ده انا بتخنق منها
هههههه
بس تبقى حلوة لو مش فاهمين وهو بيشرح وخلاص
اساسا ربنا يستر ويعدي المدرسة ع خير هما هيقللوا اعداد التلامذه في الفصول
فربنا يقينا شر هذا المرض